Connect with us

Sport

Liga refuzon kërkesën e Fidel Yllit: Takohemi vetëm me kryeministrin

Published

on

Nuk ka futboll pa u plotësuar nga qeveria katër kushtet e kërkuara nga Liga profesioniste e futbollit. Ky është vendimi i pakthyeshëm i mbledhjes së jashtëzakonshme të klubeve të Superiores, që ka përshkallëzuar kështu krahun e hekurt me qeverinë, duke mos u tërhequr aspak nga pozicioni që ka.

Nëpërmjet një postimi në faqen zyrtare të Ligës Profesioniste, sekretari, Dritan Kadia, ka bërë me dije se Liga ka refuzuar kërkesën e Fidel Yllit për të zhvilluar një takim në zyrat e Ministrisë së Financave, për shkak se drejtuesit e Ligës nuk e shohin të nevojshëm këtë takim, pasi propozimet dhe kërkesat i janë përcjellë drejtuesve të ministrisë shumë herë.

Liga kërkon që të takohet me kryeministrin në zyrat e qeverisë. Gjithashtu në postim bëhet me dije se presidenti Libohova nuk ka marrë pjesë në mbledhjen e Ligës, për shkak se ka qenë pa qejf.

POSTIMI I LIGËS PROFESIONISTE

I nderuar zoti Fidel,

Më duhet tju bëj me dije që Z. Libohova ka qenë pa qef dhe nuk ka marrë pjesë në mbledhjen e Ligës dhe nuk ka patur informacion mbi vendimet e Mbledhjes së Jashtëzakonshme të Anëtarëve.

Duke ju falenderuar për ftesën që të takohemi në zyrat e Ministrisë së Financave, me keqardhje më duhet t’ju njoftoj se ne nuk e shohim të nevojshëm këtë takim pasi Liga Profesioniste e Futbollit i ka përcjellë të gjitha propozimet dhe kërkesat e saj pranë drejtuesve të kësaj ministrie shumë herë. Për më tepër kërkesat e Ligës nuk përmbushen me zgjidhje teknike të punonjësve të ministrisë por me një vullnet të qartë politik që varet e mund të ndërmerret vetëm nga Kryeministri.

Përcilljani ju lutem Kryeministrit gatishmërinë dhe pritjen e delegacionit të Ligës për tu takuar me të në zyrat e qeverisë.

Duke përfituar nga rasti, bazuar në vendimin e Ligës, ju ftoj për një takim e diskutim miqësor në mjediset e Ligës.

Me konsideratën më të lartë për ju, sekretari i Ligës, Dritan Kadia.

Tiranë, më 13 shtator 2020

Facebook

Trending