Connect with us

Sport

Cikalleshi ndryshon ekip, por mbetet në Turqi

Published

on

Sokol Cikalleshi ndryshon ekip, por mbetet në Turqi, aty ku është stacionuar prej disa vitesh. Sulmuesi kavajas, pikë referimi edhe në kombëtaren kuqezi, ka firmosur sot për Konyaspor, skuadër e elitës së futbollit turk.

Sipas klubit në fjalë, shqiptari është kontraktuar për dy sezone dhe planifikohet të mbulojë rolin e qendërsulmuesit. Ja njoftimi i Konyasport me këtë rast:

“İttifak Holding Konyaspor firmos kontratë me Sokol Cikalleshi, i cili luan në pozicionin e qendërsulmuesit. Më saktësisht kemi nënshkruar marrëveshje zyrtare, që e lidh atë me klubin tonë për 2 vite, pas kontrolleve shëndetësore të kryera te sponsori ynë, spitali “Medicana Konya”, këtë mëngjes.

Menaxheri ynë i klubit, Seçkin Özdil, dhe transferimi ynë i ri, Sokol Cikalleshi, morën pjesë në ceremoninë e nënshkrimit, të mbajtur në sallën e takimeve të shtypit, brenda stadiumit të Komunës Metropolitane të Konya.

Cikalleshi, i cili ka luajtur 303 ndeshje në karrierën e tij, arriti të shënonte 92 gola në të gjitha garat. Ai ka luajtur 35 herë me kombëtaren e Shqipërisë, duke shënuar 7 gola. Transferimi ynë i ri, Cikalleshi, do të veshë fanellën me numrin 17”.

Facebook

Trending